Lima na ka pasyente ang namatay tungod sa leptospirosis sa National Kidney and Transplant Institute o NKTI, samtang miabot na sa 19 ang kaso nga ilang natala sukad Hunyo.
Matod sa usa ka espesyalista sa NKTI, daghang pasyente ang madala sa ospital nga grabe na ang kahimtang tungod kay dili dayon mailhan ang unang mga sintomas sama sa hilanat, sakit sa lawas ug lutahan, ug pagpula sa mga mata.
Sa San Lazaro Hospital, miabot na sa 50 ang kaso, lakip ang 24 ka bag-ong pasyente nga na-admit sulod lang sa 24 oras, ug duha na ang namatay.
Nagpasidaan ang mga doktor nga posible pang mosaka ang gidaghanon sa mga kaso tungod kay ang incubation period sa leptospirosis mahimong molungtad og duha hangtod 30 ka adlaw.
Gipahinumdoman usab ang publiko nga likayan ang paglatas sa baha, ilabi na kon adunay samad. Kon dili malikayan, girekomenda ang pagsul-ob og rubber boots ug ang hustong pagtabon sa mga sama parte sa lawas nga adunay samad
