GENSAN- Pormal nang giablihan ang Kolehiyo ng Heneral Santos sa pagpanguna ni Gensan City Mayor Lorelie Geronimo Pacquiao.
Gimarkahan usab sa makasaysayanong KHS Sibol 2026 Class Opening Ceremony ang pagsugod sa Academic Year 2026–2027.
Atol sa inaugural message, gipadayag ni Mayor Pacquiao ang mga hagit nga ilang nalabyan aron matukod ug maablihan ang maong kolehiyo.
Sa unang tuig sa operasyon niini, lakip sa mga programang gitanyag ang Bachelor of Science in Agribusiness, Bachelor of Physical Education, ug Bachelor of Early Childhood Education.
Matud pa sa mayor, libre ang pag-eskwela sa Kolehiyo ng Heneral Santos alang sa mga residente sa General Santos City, nga kabahin sa iyang saad nga mapalapad ang access sa edukasyon alang sa mga kabatan-onan.
Adunay 16 ka classrooms nga giandam alang sa mga estudyante ug aduna na usab mga na-assign nga mga instructors. Gilauman nga madugangan pa ang kapasidad sa kolehiyo samtang padayon ang pagdawat og mga estudyante sa umaabot.
