Gikansela ang pre-trial ni Senador Rodante Marcoleta sa Sandiganbayan Third Division karong adlawa, Lunes, Agosto 10, tungod sa dili maayong kahimtang sa panahon.
Gikumpirma kini ni anti-graft court division clerk of court Dennis Pulma.
Ang maong division maoy nagdumala sa kasong plunder batok sa senador ug sa iyang mga kaubang akusado nga sila kanhi Anakalusugan Party-list Rep. Mike Defensor ug mga negosyante nga sila si Joseph Espiritu ug Aristotle Viray, may kalabotan sa giingong wala gideklarang P75 million nga campaign donations sa tulo ngadto kang Marcoleta.
Tungod sa pagkansela sa pre-trial, gibalhin kini sa Biyernes, Agosto 14.
Ang pre-trial mao ang hugna diin gihimo ang pagmarka ug pag-ila sa mga ebidensya, ingon man ang stipulation of facts sa kaso, sa dili pa magsugod ang aktuwal nga pagdungog.
Una nang mi-plead og not guilty si Marcoleta ug tulo pa niyang kaubang akusado sa kasong plunder atol sa pagbasa sa ilang akusasyon.
Misumite usab og not guilty plea si Marcoleta ug Espritu sa laing kaso sa paglapas sa Presidential Decree No. 46, nga nagdili ug nagsilot sa paghatag ug pagdawat og mga regalo tali sa mga pribadong indibidwal ug mga empleyado o opisyal sa gobyerno.
