Nagkigkompetensya ang mga propesyonal nga window cleaners gikan sa nagkalain-laing nasod sa World Window Cleaning World Cup sa London, diin gisukod ang ilang kapaspas ug kahibalo sa paglimpyo sa mga bintana.
Usa sa nailadong contestant mao si 71-anyos Terry Burrows, nga gitawag og “Usain Bolt sa window cleaning” tungod sa iyang talagsaong katulin. Nakarekord siya kaniadto og world record human malimpyohan ang tulo ka 45-pulgadang bintana sulod lang sa 9.14 segundos.
Sa kompetisyon, dili lang ang kapaspas ang tan-awon, kundili apil ang kalidad sa trabaho aron masiguro nga walay mantsa, guhit, o patak sa tubig nga mabilin sa bintana.
Ang mga contestant mogamit og parehas nga mga gamit sama sa squeegee, panlimpyo nga panapton, tubig, ug detergent. Ang modaog makadawat og 1,000 British pounds ug ang kadungganan nga mailhan isip usa sa pinakamaayong window cleaner sa kalibutan.
