Department of Education (DepEd) nagreport og malampusong pagkunhod sa mga papeles sa mga magtutudlo sa tibuok nasud.
Sumala ni Education Secretary Sonny Angara, ang mga papeles o buluhaton sa mga magtutudlo nga may kalabotan sa pagproseso sa dokumento, mga trabaho sa opisina, ug uban pang susamang mga buluhaton mikunhod og 57%.
Miingon siya nga kini nagtugot sa mga magtutudlo nga mas mag-focus sa pagtudlo sa mga estudyante.
Sumala ni Angara, ang DepEd nagpadayon sa pag-hire og mga non-teaching personnel aron modumala sa mga papeles.
Naglakip kini og hangtod sa 5,000 ka Administrative Officers ug Project Development Officers nga i-assign sa pagbuhat sa mga non-teaching nga mga trabaho nga dugay nang problema sa mga magtutudlo.
Sumala ni Angara, ang target sa DepEd mao ang pagpanalipod sa oras sa pagtudlo ug pagtugot sa mga magtutudlo nga magtudlo sa mga eskwelahan imbes nga mag-usik sa oras sa mga papeles.
Miingon siya nga kini kabahin sa reporma sa DepEd, samtang gipauswag ug gipanalipdan ang kaayohan sa mga magtutudlo.
