Andam na ang komprehensibong security plan sa Philippine National Police alang sa ikalimang State of the Nation Address ni Pangulong Ferdinand Marcos Jr.
Sumala kang PNP Public Information Chief Col. Allen Rae Co, unang banabana nga 20,000 ka mga pulis ang i-deploy sa maong kalihukan, lakip na ang mga augmentation gikan sa ubang ahensya sama sa Armed Forces of the Philippines ug Philippine Coast Guard.
Sa pagkakaron, wala pa niya detalyadoha kung unsaon ang deployment sa mga kapulisan sa nagkadaiyang lugar atol sa pagpahigayon sa State of the Nation Address sa Pangulo.
Gikatakdang ipahigayon ang ikalimang SONA ni Pangulong Marcos Jr. sa Hulyo 27, diin gilauman nga motambong ang daghang bisita lakip na ang mga taas nga opisyal sa gobyerno ug pipila ka mga langyaw nga delegado.
Tungod niini, hugot ang ipatuman nga seguridad sa palibot sa Batasang Pambansa Complex sa Quezon City alang sa kaluwasan sa tanang motambong sa maong kalihukan.
