NBI, wala’y nakitang kumpirmadong impormasyon sa pagkatawo sa giingong “hitman” nga giingong gikontrata ni VP Sara Duterte
Wala matod pa makit-an sa National Bureau of Investigation (NBI) ang kumpirmadong impormasyon bahin sa pagkatawo sa giingong “hitman” nga giingong gikomisyon ni Vice President Sara Duterte aron pasakitan sila Presidente Ferdinand Marcos Jr., First Lady Liza Araneta-Marcos, ug kanhi House Speaker Martin Romualdez.
Kini ang gipahayag ni NBI Regional Director Atty. Jeremy Lotoc sa ikaupat nga adlaw sa impeachment trial ni VP Sara Duterte.
Matud ni Lotoc, gisulayan sa NBI nga mahibal-an ang pagkatawo sa giingong gikontak nga tawo pinaagi sa pagpangayo og impormasyon gikan sa mga indibidwal nga adunay kalabutan sa online press conference diin gipagawas sa bise presidente ang kontrobersyal nga pahayag.
Apan sumala ni Lotoc, wala sila makakuha og igo ug napamatud-ang impormasyon aron mailhan kung kinsa ang giingong “hitman.”
Matud pa niya, seryosohon sa NBI ang mga gipahayag sa bise presidente tungod kay gikan kini sa ikaduhang pinakataas nga opisyal sa nasod.
Samtang, gilimod sa defense team ni Sara Duterte ang alegasyon nga adunay gikomisyon nga tawo aron mohimo sa maong plano. Matud sa abogado sa depensa nga si Atty. Mark Vinluan, magpresentar sila og mga ebidensya aron mapamatud-an ang ilang panig.
Gipahayag usab sa depensa nga magdala sila og saksi may kalabutan sa giingong “Operation Romanov,” nga gipasanginlang usa usab ka plano batok kang Vice President Duterte ug iyang pamilya.
