Misaka na sa 57,316 ka pamilya ang natala nga naapektuhan sa pagpanalasa sa bagyong Inday nga nakapasamot sa nagpadayon nga habagat.
Kini bugti sa kapin 248,000 ka indibidwal gikan sa 161 ka barangay sa nagkadaiyang bahin sa nasud.
Sa pagkakaron, kapin 6,400 ka tawo o mga 1,900 ka pamilya ang nagpabilin sulod sa mga evacuation center.
Giablihan usab sa gobyerno ang kapin 40 ka evacuation center aron mahimong kapasilungan sa mga naapektuhan sa pagbaha ug kusog nga pag-ulan.
Gilauman pa nga mosaka ang maong numero samtang nagpadayon ang assessment ug validation sa Department of Social Welfare and Development ug sa National Disaster Risk Reduction and Management Council sa mga lugar ug residente nga naapektuhan.
Lakip sa mga rehiyon nga naapektuhan mao ang Cagayan Valley, Cordillera, Ilocos Region, Central Luzon, Western Visayas, Negros Island, Zamboanga Peninsula, Northern Mindanao, Davao, SOCCSKSARGEN, ug BARMM.
