Nanawagan si Vice President Sara Duterte sa mga opisyal sa gobyerno nga mohunong na sa pamulitika sa pagkakaron, samtang gisaway usab ang pipila nga giingong nanawagan alang sa transparency ug accountability apan nagpasiugda lamang sa ilang kaugalingong interes.
Gihimo ni Duterte ang pahayag atol sa usa ka ambush interview sa Hinatuan, Surigao del Sur niadtong Miyerkules, diin mitambong siya sa ika-18 nga Araw ng Bigaan ug ika-65 nga Patronal Fiesta sa Mother of Perpetual Help.
Giawhag usab sa Bise Presidente ang mga Pilipino nga dili mawad-an og paglaum nga adunay mahitabo nga kausaban sa nasud ug sa abilidad niini nga mahimong usa ka mauswagon nga nasud.
Mitambong si Duterte sa pista sa Barangay Bigaan niadtong Miyerkules, atol sa ikatulong adlaw sa iyang impeachment trial.
