Giatake sa Islamic Revolutionary Guard Corps sa Iran ang mga base militar sa Estados Unidos nga nahimutang sa Kuwait ug Bahrain.
Kini usa ka tubag sa Iran sa bag-ong serye sa mga pag-atake sa Amerika batok sa ilang mga lalawigan sa habagatang baybayon ug sa duha ka tulay sa sidlakang bahin sa Iran.
Gikumpirma sa Navy ug Air Force sa Islamic Revolutionary Guard nga nagpahigayon sila og hiniusang drone ug missile attack batok sa mga imprastruktura ug pasilidad sa US.
Lakip sa ilang gipuntirya ang Camp Arifjan ug Ali Al Salem Air Base sa Kuwait, ingon man ang Shaikh Isa Air Base ug Juffair sa Bahrain.
Ang Juffair mao ang nahimutangan sa Naval Support Activity, ang nag-unang base sa US Navy sa Persian Gulf, diin nahimutang ang US Fifth Fleet.
Sa pagkakaron, wala pa’y detalyadong impormasyon kung adunay nasamdan o namatay sa maong pag-atake batok sa mga base militar sa Amerika.
