Mahimong star-studded ang closing ceremony sa 2026 FIFA World Cup nga himuon sa New York.
Manguna sa pasundayag ang Canadian pop star nga si Justin Bieber sa kauna-unahang FIFA World Cup halftime show.
Makig-uban usab kaniya sa maong pasundayag sila Madonna, Shakira, ug BTS.
Kabahin usab sa 11 minutos nga halftime show ang ubang bantugang performers sama nila Burna Boy, Gustavo Dudamel, PS22 Chorus, Coldplay, ug ang Sesame Street Muppets.
Mipadayag usab og dakong kasadya ang 32 anyos nga si Bieber sa iyang pag-apil sa maong halftime show.
Pinaagi sa iyang social media account, giingon niya nga ang FIFA usa ka plataporma nga naghiusa sa mga nasud sa tibuok kalibutan.
Sa pagkakaron, walo na lamang ka mga koponan ang nahibilin sa torneyo, lakip ang Spain, Belgium, Norway, England, Argentina, ug Switzerland.
