Usa ka bulan human sa kamatayon ni Rene Baterbonia, ang iyang inahan nga si Rovelyn nanawagan na usab alang sa hustisya.
Namatay si Baterbonia, uban sa iyang kauban sa team nga si Divine Adili, human nalumos atol sa usa ka team-building activity sa Ateneo Blue Eagles sa Aurora niadtong Hunyo 8.
Mahinumduman nga ang lain-laing mga ahensya sa gobyerno, ingon man ang Ateneo de Manila University, nagpahigayon og managlahing imbestigasyon sa insidente.
Girekomenda sa Criminal Investigation and Detection Group (CIDG) sa Department of Justice (DOJ) ang pagpasaka og reklamo tungod sa paglapas sa Anti-Hazing Act batok sa kanhi head coach sa Blue Eagles nga si Tab Baldwin ug 10 pa ka miyembro sa coaching staff.
Girekomenda usab sa CIDG ang pagpasaka og mga kasong homicide ug reckless imprudence resulting in homicide batok kang Baldwin ug walo pa ka uban.
