Nakadawat pag-usab ang Office of the Vice President (OVP) og unmodified opiniongikan sa Commission on Audit (COA) alang sa Calendar Year 2025, nga mao na ang ikaupat sunod-sunod nga tuig ubos sa pagpangulo ni Vice President Sara Duterte nga nakab-ot sa maong opisina ang labing taas nga audit opinion.
Sa 2025 Annual Audit Report nga gipetsahan og Mayo 15, 2026, giingon sa COA nga ang financial statements sa OVP husto ug patas nga naipresentar, ug nagsunod sa gipatuman nga accounting rules ug financial reporting standards.
Ang maong audit opinion migawas human maitala sa OVP ang 92.32 porsyento nga budget utilization rate** sa pondo niini ubos sa 2025 General Appropriations Act (GAA).
Sumala sa OVP, nagpakita kini sa maampingong pagdumala sa pondo sa ilang opisina bisan pa sa pagdako sa ilang operasyon ug pagsaka sa panginahanglan alang sa ilang mga programa.
Ang unmodified opinion, nga nailhan usab isip unqualified opinion mao ang pinakataas nga audit opinion nga mahimong ihatag sa COA.
Nagpasabot kini nga ang financial statements sa usa ka ahensya andam ug husto nga nahimo subay sa gikinahanglang financial reporting framework, lakip ang International Public Sector Accounting Standards (IPSAS) ug International Standards of Supreme Audit Institutions (ISSAIs).
Matud pa sa OVP, ang ilang ikaupat nga sunod-sunod nga pagdawat sa unmodified opinion maoy pamatuod sa ilang padayon nga pagsunod sa mga prinsipyo sa transparency, accountability, maayong pagdumala, ug responsableng paggamit sa pondo sa katawhan.
