Gikumpirma sa Philippine Ambassador to Japan nga si Mylene Garcia Albano nga luwas ang tanang Pilipino sa Japan human sa magnitude 6.9 nga linog nga miigo sa nasod niadtong Hunyo 25.
Matod sa embahador, wala’y Pilipinong gikatahong naangol o namatay bisan pa sa kusog nga linog ug sa misunod nga mga aftershock.
Nagpadayon usab ang Embahada sa Pilipinas sa pagmonitor sa mga opisyal nga report gikan sa mga lider sa Filipino community sa Japan nga kanunay maghatag og impormasyon bahin sa kahimtang sa ilang mga kauban nga Pilipino.
Samtang, giingon sa Department of Foreign Affairs nga padayon nilang gibantayan ang sitwasyon aron masiguro ang kaluwasan sa mga Pilipino sa maong nasod.
Nahitabo ang linog mga alas-7:30 sa buntag, oras sa Japan, ug natala ang intensity 7 sa Hashikami, Aomori Prefecture. Gibati usab ang paglinog sa Tokyo ug sa ubang dagkong siyudad sa Japan.
