Giinsister ni Senate Minority Leader Alan Peter Cayetano nga dili mahimong rason ang impeachment trial ni Vice President Sara Duterte aron dili idayon sa Senado ang imbestigasyon sa giingong flood control scam.
Matod ni Cayetano, dili angay pasagdan ang mga isyu sa korapsyon samtang busy ang Senado sa impeachment proceedings.
Iyang giingon nga mas dako pa ang kantidad sa pondo nga nalambigit sa kontrobersiya sa flood control projects, busa kinahanglan ipadayon ang mga pagdungog sa Blue Ribbon Committee.
Kauban niini, gisaway usab pag-usab ni Cayetano si Senador Panfilo Lacson tungod sa iyang giingong pamaagi sa pagdumala sa miaging mga imbestigasyon.
Gikwestyon usab niya ang posisyon ni Senador Erwin Tulfo nga kinahanglan una og bag-ong ebidensya sa dili pa ipahigayon pag-usab ang mga pagdungog.
Samtang, gipanghimakak ni Senate Francis Escudero ang mga alegasyon nga nakadawat siya og maleta nga adunay kwarta kalabot sa maong isyu.
Nanawagan usab si Cayetano sa iyang mga kauban sa Senado nga magpabiling patas ug politikal nga neutral samtang ginatuman ang ilang papel isip mga senator-judges sa impeachment trial.
