Nagpahayag si 1Sambayan Coalition Co-Convenor Atty. Howard Calleja nga nagtuo siya nga dili politikal ang motibo sa pagpasaka sa mga kaso batok sa pipila ka senador nga sakop sa Senate majority bloc.
Matud pa niya, mahinumduman nga nag-isyu og warrant of arrest batok kang Sen. Jinggoy Estrada tungod sa kaso nga plunder nga gipasaka sa Sandiganbayan, ug sa karon anaa na siya sa kustodiya sa usa ka Bureau of Jail Management and Penology facility sa Quezon City.
Giimbestigahan usab karon ang uban pang mga senador sama nila Sen. Joel Villanueva ug Sen. Chiz Escudero nga nalambigit sa mga alegasyon sa korapsyon may kalabotan sa mga flood control projects.
Sumala kang Calleja, ang mga senador nga napangalanan sa mga imbestigasyon sa Kongreso ug sa Ombudsman giingong nakadawat og mga kickback gikan sa mga anomaliya nga proyekto.
Giingon niya nga ang mga kaso batok kanila dili isyu sa politika kundi isyu sa panubag sa balaod tungod sa daghang ebidensya nga nakolekta sa mga pagdungog.
Dugang pa niya, ang mga akusado naggamit lamang sa isyu sa politika aron ilihis ang atensyon sa publiko gikan sa tinuod nga isyu sa korapsyon.
Sa isyu usab sa giingong “case build-up” batok sa majority bloc, giingon niya nga nagkasunod lang ang pagpasaka sa mga reklamo ug dugay na kini nga gihimo isip tubag sa panawagan sa publiko alang sa pananagutan sa mga kontrobersiya sa flood control projects.
