Nanawagan si Senator Imee Marcos sa bag-ong liderato sa Senado nga gipamunuan ni Senate President Alan Peter Cayetano nga ipadayon dayon ang imbestigasyon sa Blue Ribbon Committee may kalabotan sa giingong flood control corruption scandal.
Sa iyang pahayag, giingon ni Marcos nga kinahanglan “ablihan na” ang Blue Ribbon Committee ug tangtangon ang bisan unsang pagtabon sa maong isyu. “Buksan na ang Blue Ribbon Committee. Tanggalin lahat ng takip sa Flood Control Corruption,” matod niya.
Giawhag usab niya ang komite, nga kasamtangang gipangulohan ni Senator Pia Cayetano, nga ipatawag ang mga personalidad nga giingong nalambigit sa kontrobersiya.
Lakip sa iyang gihisgutan ang 18 ka kanhing Marines, kanhing kongresista nga si Zaldy Co, kanhing Executive Secretary Lucas Bersamin, ug kanhing undersecretary Adrian Bersamin.
Ang maong panawagan nahitabo sa nagpadayon nga diskusyon sa Senado bahin sa transparency ug accountability sa mga proyekto sa gobyerno, ilabi na sa flood control programs nga giingong adunay iregularidad.
Sa karon, wala pay opisyal nga tubag ang Blue Ribbon Committee sa maong panawagan ni Marcos.
