Gitubag ni Senador Panfilo Lacson ang naunang pahayag ni Senador Pia Cayetano nga wala matod pay nangumusta kanila sa dihang nahitabo ang pagpamusil sulod sa Senado niadtong Mayo 13.
Kahinumduman emosyonal si Sen. Pia samtang iyang gihinumdoman ang kagubot sa Senado, ug gipunto usab niya nga bisan dugay na niyang kaila ang pipila ka kaubang senador, wala matod pay nangumusta kanila sa tunga sa kagubot.
Apan gipangutana ni Lacson kung unsaon ba pagpakumusta sa mga “malipayong nagkaon, nagkape, ug nag-FB live pa” sa maong panahon.
Giingon pa niya nga giakusahan ang minority bloc nga adunay kahibalo sa nahitabong pagpamusil sulod sa Senado.
Samtang, nahinumdoman nga nabilin sa Senado ang mga majority senators niadtong gabhiona sa Mayo 13 aron unta mag-caucus, apan sa wala pa ang alas otso, nahitabo ang pagpamusil.
Sunod-sunod usab nga nag-live sa ilang Facebook accounts ang pipila ka senador sa tunga sa tensyon sulod sa mataas nga kapulungan.
Sa karon, nagpabilin nga kontrobersyal ang maong insidente ug giisip sa uban nga posibleng “staged” o gituyo nga hitabo.
