Gideklara sa World Health Organization ang Ebola outbreak sa Democratic Republic of the Congo isip usa ka public health emergency of international concern.
Sumala sa ahensya, ang outbreak sa Ituri province adunay 246 ka mga suspetsado nga kaso ug 80 ka ka mga nangamatay, ug nakita usab ang pipila ka kaso sa Kinshasa ug sa mga kasikbit nga lugar.
Ang virus nga nagpalapad karon ang Bundibugyo strain sa Ebola nga walay aprubado nga tambal o bakuna, ug ang unang sintomas naglakip sa hilanat, kasakit sa lawas, kakapoy, ug pagsakit sa tutunlan.
Gipahimangno sa WHO nga mahimo kining modako pa tungod sa kalisod sa kahimtang sa seguridad, daghang lihok sa mga tawo, ug kakulang sa pasilidad sa pag-atiman sa panglawas.
Nakit-an usab ang kaso sa Uganda ug Goma sa eastern Congo, nga nagpasabot nga posible na kining mikatap sa mga kasikbit nga lugar.
Bisan pa niini, gipahimangno sa WHO nga dili magpasira og border ang ubang mga nasod apan palig-onon ang monitoring ug pagpugong sa pagkaylap sa sakit.
