Gibutyag ni National Bureau of Investigation Director Melvin Matibag nga kinahanglan maghatag og pagpasabot sila Senador Robin Padilla, Senador Alan Peter Cayetano, ug Acting Sergeant-at-Arms Mao Aplasca bahin sa pagkawala ni Senador Ronald “Bato” dela Rosa sa Senado.
Sumala kang Matibag, sa isyu sa pagkawala sa senador, ang tulo maoy giila nga persons of interest.
Apan, gipatin-aw ni Matibag nga wala pa kini nakaabot sa maong lebel tungod kay kon tawagon silang persons of interest, kinahanglan una nilang tubagon kung asa karon si Dela Rosa, ug dili pa kini nagpasabot nga sila na ang giimbestigahan.
Gipasiugda ni Matibag nga tungod gipailalom sa Senado sa protective custody ang senador, responsibilidad nila si Dela Rosa.
Matud pa, una nang gikompirma ni Senate President Cayetano kagahapon nga wala na sa protective custody sa Senado si Dela Rosa tungod kay boluntaryo kini nga mibiya sa premises sa taas nga kapulungan.
Giingon usab nga kuyog ni Dela Rosa si Senador Padilla sa pagbiya sa Senate compound pasado alas-2:30 sa kaadlawon niadtong Huwebes, Mayo 14, pipila ka oras human sa insidente sa pinusilay sa sulod sa Senado.
