Namatay na ang kanhi magdudula sa NBA nga si Jason Collins sa edad nga 47 anyos.
Si Collins ang unang aktibong lalaking atleta nga miangkon nga bayot.
Gikumpirma sa iyang pamilya nga siya nag-antos sa glioblastoma, usa ka agresibo nga matang sa kanser sa utok.
Gikabutyag nga anaa siya sa Singapore alang sa chemotherapy.
Sa miaging tuig, iyang gipahibalo nga siya adunay kanser ug gipailalom sa pagtambal aron mapugngan ang pagkaylap niini.
Si NBA Commissioner Adam Silver nagpahayag sa iyang pahasubo, nga adunay dakong epekto sa NBA.
Kaniadtong 2013, iyang gipahibalo nga siya bayot o gay, diin siya gidawat sa kadaghanan.
Ang lumad nga taga-California nakadula alang sa unom ka team sulod sa 13 ka season sa NBA, sugod sa New Jersey Nets.
Ginganlan siya nga usa sa 100 ka labing impluwensyal nga mga tao sa Time Magazine sa wala pa moretiro niadtong 2014.
