13 ka tawo, patay sa airstrike sa Israel sa Lebanon

Miabot sa 13 ka mga tawo ang namatay sa airstrikes sa Israel sa Lebanon.

Sumala sa Lebanese health ministry, lakip sa mga namatay ang upat ka babaye ug usa ka bata.

Duha ka babaye ug usa ka bata ang naapil sa walo ka namatay sa Haboush sa Nabatieh district, samtang upat ka tawo usab ang namatay sa Zrarieh sa Sidon district.

Wala gihapon mohunong ang panagbangi tali sa Hezbollah ug Israel bisan pa og adunay tulo ka semana nga gipalawig nga ceasefire.

Ang inisyal nga 10 ka adlaw nga ceasefire gipahibalo niadtong Abril 16 human sa pakigpulong sa mga embahador sa Lebanon ug Israel sa Washington.