Magpadayon karong adlawan ang hearing sa House Committee on Justice batok kang Vice President Sara Duterte, nga mo sentro sa mga alegasyon sa “unexplained wealth” ug posibleng mga paglapas sa pagdeklarar sa iyang SALN.
Susihon sa komite ang mga dokumento gikan sa AMLC, SEC, ug BIR, lakip ang bank transactions, financial statements, ug income tax records aron ma-validate ang mga alegasyon. Gilauman usab ang testimonya ni kanhi senador Antonio Trillanes IV ug Ombudsman Jesus Crispin Remulla, nga magpresentar sa mga ebidensya ug SALN records.
Kabahin kini sa padayon nga impeachment proceedings nga nagtan-aw kung aduna bay probable cause ang mga reklamo batok sa Bise Presidente. Ang resulta sa hearing giisip nga hinungdanon kay mahimo kini motino kung ipadayon pa ang kaso ngadto sa plenaryo sa Kamara ug posibleng mosunod nga impeachment trial sa Senado.
