GENSAN- Gipahimangnoan ni F03 Arthuro Uy Jr., Fire Arson Investigator ang publiko nga mag-amping ilabi na sa pagpanglimpyo pinaagi sa pagsunog sa mga sagbot kay delikado kini sa kasamtangang panahon nga kusog ang hangin ug uga ang mga tanom.
Sumala kaniya, bisan gamay nga baga dali ra kaayo kining mahimong pahinungdan sa dako nga grassfire.
Tungod niini, iyang gitambagan ang mga residente nga likayan ang pagpanunog duol sa mga uga nga sagbot aron malikayan ang kalayo nga mahimong mokatag.
Gipakita usab sa BFP nga kinahanglan ang mas istriktong pag-amping ilabi na sa dry season aron mapugngan ang kalit nga insidente sa sunog.
Gipunting niya nga mas maayo ang luwas nga paagi sa paglimpyo kaysa magsalig sa pagsunog nga mahimong hinungdan sa kadaut sa kabtangan ug peligro sa kinabuhi.
