Gipangunahan ni Pope Leo XIV ang Easter Vigil sa St. Peter’s Basilica isip kabahin sa paghinumdom sa pagkabanhaw ni Hesukristo, diin iyang gipasiugda sa homiliya nga ang Pasko sa Pagkabanhaw nagwagtang sa kasuko, nagpalambo sa panaghiusa, ug nagapukan sa gahum sa daotan.
Matud pa sa Santo Papa, ang gahum sa gugma sa Diyos mas kusgan kaysa bisan unsang pwersa sa kadautan ug mao kini ang tinubdan sa tinuod nga paglaum sa katawhan.
Iyang gipahayag nga bisan pa man mahimong patyon sa tawo ang lawas, ang kinabuhi nga gikan sa Diyos dili mapalong kay kini walay katapusan ug dili mapugngan sa kamatayon.
Gipasabot usab niya nga ang mensahe sa Pasko sa Pagkabanhaw nagtimaan sa kadaugan sa kaayo batok sa daotan ug paglaum batok sa kawalay paglaum.
Giawhag niya ang mga magtutuo nga tumanon kini nga mga tumong sa ilang adlaw-adlaw nga kinabuhi pinaagi sa pagpakita og gugma, kaluoy, ug pagpasaylo.
Sa katapusan, iyang giingon nga ang gugma sa Diyos mao ang labing kusgan nga pwersa nga makabuntog sa tanang kasamok ug makahatag og bag-ong kinabuhi sa kalibutan.
