Gidapit ni Archbishop Socrates Villegas sa Archdiocese of Lingayen-Dagupan ang mga magtutuo nga atubangon ang kangitngit sa sala ug pangitaon ang kahayag ni Kristo pinaagi sa paghinulsol ug pagtuo.
Niadtong Biyernes Santo, gipamalandong sa Arsobispo ang pasyon o pag-antos nga giagian ni Hesukristo, ug nanawagan sa mga magtutuo nga susihon ang ilang kinabuhi ug mobalik sa Diyos.
“What happened? They killed God. And before killing God, they mocked God. And before mocking God, they insulted God and stripped God,” matod ni Archbishop Villegas sa iyang reflection.
Sa iyang mensahe, gihinumduman niya ang biblikal nga hulagway sa paglalang, diin unang mitungha ang kahayag gikan sa kangitngit.
“Before God created the sun and the moon and stars, there was darkness. There was no light. There was total darkness. And then the Lord commanded, ‘Let there be light,’ and there was light,” dugang pa ni Archbishop Villegas.
Gihisgutan usab sa Arsobispo ang laing panghitabo sa kasaysayan diin naputos pag-usab sa kangitngit ang kalibutan sa Good Friday.
“There was darkness. Are we living in the darkness or are we living in the light? Since that mockery, since that insult, since that murder of God two thousand years ago, there will always be darkness until we proclaim truly this is the Son of God.”
Gipasidaan sa Arsobispo nga ang kangitngit sa Biyernes Santo dili lamang panghitabo sa nangagi kundili usa gihapon ka kasamtangang realidad.
Matod niya, sa karon nga kalibutan, padayon nga ginatamay ang Diyos, ginainsulto ug ginapanghimakak. Gipahayag usab niya ang kabalaka sa nagkadako nga pagnormalisa sa blasphemy o paglapastangan sa Diyos ug pagpasagad sa pagtuo.
Isip tubag, nanawagan si Archbishop Villegas sa mga mananampalataya alang sa pagpaubos ug tinuoray nga paghinulsol.
Gidasig usab niya ang mga mananampalataya nga ilhon ug angkonon ang ilang mga sala, sa buhat man, sa pagpasagad o sa kahilom.
Sumala niya, ang maong buhat sa pagpaubos nagbukas sa dalan alang sa kalooy sa Diyos ug sa pagpahiuli. Apan, gipasiugda usab sa Arsobispo nga ang tinuoray nga pagkakabig (conversion) nagkinahanglan og konkretong kausaban.
Sa pagtapos sa iyang reflection, gihinumduman sa Arsobispo ang mga mananampalataya nga ang Good Friday nag-abli sa paglaum sa Easter o pagkabanhaw.
“If you stand up for the Lord, there is only one thing waiting for you: a new life, a new light, a new Easter.”
