Mitungha si Atty. Levito Baligod, abogado sa 18 ka giingong kanhing Marines, sa National Bureau of Investigation (NBI) aron pagtuman sa subpoena nga gi-isyu kaniya.
Ang subpoena may kalabotan sa mga reklamo sa cyber nga gisang-at ni Mamamayang Liberal Rep. Leila de Lima ug 2025 Ramon Magsaysay awardee Fr. Flaviano “Flavie” Villanueva batok kaniya ug sa 18 ka giingong kanhing Marines.
Sumala ni Baligod, miadto siya sa NBI Cybercrime Division og sayo aron pagtuman sa subpoena nga may kalabotan sa reklamo ni de Lima.
Niadtong Marso 9, si de Lima ug Villanueva nagsang-at og mga reklamong cyberlibel batok kang Baligod ug sa 18 ka giingong kanhing Marines tungod sa mga alegasyon nga kunohay nakadawat sila og kwarta gikan sa kanhi Ako Bicol party-list Rep. Elizaldy Co.
Ang reklamo may kalabutan sa usa ka press conference niadtong Pebrero ug usa ka joint affidavit sa 18 ka giingong kanhing Marines, diin sila miingon nga sila nagsilbi nga “bagmen” ni Co sa pagpadagan sa giingong ₱805 bilyon nga kickback gikan sa mga anomaliya sa mga flood control projects .
Kaniadtong Marso 12 ug 17, si Baligod ug ang giingong kanhing Marines mitungha kaniadto sa NBI human sa pag-isyu og managlahing subpoena samtang nagpadayon ang imbestigasyon sa ahensya.
