Miapela Ang lider sa Simbahang Katolika nga magpahigayon og ceasefire sa Middle East sa labing-madali nga panahon.
Kini ang pahayag ni Pope Leo XIV pagkahuman sa weekly Angelus prayer sa St. Peter’s Square.
Sumala sa Santo Papa, kini nga mga gimbuhaton dili gyud sarang makadala og hustisya og kalinaw nga mao unta ang kinahanglan sa mga tawo sa rehiyon.
Gihulagway sa Santo Papa ang naagian sa katawhan sa miaging duha ka semana isip usa ka makalilisang nga gubat.
Nanawagan na kini alang sa mga Kristiyano sa Middle East ug sa tanang katawhan nga kinahanglan adunay ceasefire tali sa mga nasud nga nagsugod sa panagbangi.
Sumala ni Papa Leo XIV, liboan ka inosenteng kinabuhi ang nawala, ug daghan ang napugos sa pagbiya sa ilang mga panimalay.
Kini ang ikatulong semana sa tensyon sa rehiyon nga nagsugod sa dihang giatake sa US ug Israel ang Tehran ug mibalos ang Tehran.
Wala pay negosasyon nga nahimo hangtod sa oras sa pagmantala.
