Emosyunal nga gisugat sa pamilya sa Pilipinas ang pag-abot sa patayng lawas sa Filipina caregiver nga si Mary Ann De Vera.
Nag-uban usab sa pagpauli ang bana ni De Vera nga si Bernie Lavarias nga naga-trabaho usab sa Israel.
Sa milabay nga adlaw, kahinumduman nga personal nga nakigkita si Israeli President Isaac Herzog kang Lavarias aron nga makig-simpatiya sa kasubo niini nga gibati gumikan sa kamatayon sa iyang asawa.
“Dasal, pakikiramay at buong suporta naman ang ipinahatid ng mga opisyal ng Department of Migrant Workers (DMW), Overseas Workers Welfare Administration (OWWA), H.E. Dana Kursh, at ilang miyembro ng Kongreso at kinatawan ng Senado na sumalubong sa labi ng OFW Mary Ann, bilang pagkilala sa kanyang katapangan at sakripisyo habang ginagampanan ang kanyang tungkulin,” suno sa post sang DMW.
Kahinumdoman nga napatay ang 32-anyos nga caregiver dihang naigo kini sa debris sa missile samtang ginatabangan niini ang iyang alaga nga makabalhin sa bomb shelter atol sa pagpamomba sa Iran isip balos usab sa una nga atake sa US og Israel sa Tehran.
Si De Vera ang lumad nga taga Pangasinan og naga-trabaho sa Tel Aviv sukad pa kaniadtong 2019.
Una na nga gipaambit sa kanhi mga amo ni De Vera nga nagsabak pa kini sa iyang unang anak dihang nahitabo ang gyera sa Middle East.
