-- ADVERTISEMENT --
Gusto ni Presidente Ferdinand Marcos Jr. nga ang pagpasar sa balaodnon batok sa political dynasty mahimong usa sa mga kabilin sa iyang administrasyon.
Sumala ni Palace Press Officer Atty. Claire Castro, gitun-an sa Malacañang ang detalye kung unsaon pagpasar ang balaodnon, labi na ang mga probisyon nga magdili sa mga paryente sa pagkupot sa mga posisyon sa gobyerno.
Sumala ni Castro, importante nga mahibal-an sa Presidente ang mga probisyon aron ang balaodnon batok sa dinastiya adunay maayong resulta.
Dugang pa nga usa ka miting ang gihimo niadtong miaging Enero ug kini ang unang diskusyon sa Malacañang.
Nagtuo si Executive Secretary Ralph Recto nga posible nga mapasar ang balaodnon batok sa political dynasty sa dili pa ang eleksyon sa 2028.
-- ADVERTISEMENT --
