Nahingangha ang kalibutan sa talagsaong kaalam sa 8 anyos nga si Ganta Jishnu Aryan human niya nadaog ang Guinness World Record sa usa ka kalihokan sa Hyderabad tungod sa iyang talagsaong memorya ug kahanas sa Matematika.
Sulod lang sa 60 segundos, si Jishnu nakahimo sa pag-recite og 216 ka decimal places sa Golden Ratio nga walay mga sayop, nga nakahatag kaniya sa titulo sa Guinness World Record nga “Most decimal places of the Golden Ratio recited in one minute”.
Ang Golden Ratio usa ka komplikado nga mathematical constant nga gigamit sa siyensya, arkitektura, ug arte.
Kini giisip nga usa sa labing lisod saulohon tungod sa walay kinutuban ug random nga kinaiya sa mga numero niini, mao nga nakurat ang mga maghuhukom nga ang usa ka bata nakahimo niini nga paspas kaayo.
Si Jishnu gikan sa usa ka prominenteng pamilya sa Andhra Pradesh. Siya ang apo sa kanhi ministro nga si Ganta Srinivasa Rao ug anak sa mga manedyer sa Narayana Educational Institutions.
