Dili ipahibalo sa gobyerno ang sunod nga mga lakang aron madala pagbalik sa nasud si kanhi Congressman Zaldy Co, kinsa kasamtangang nagtago sa gawas sa nasud.
Matud ni Palace Press Officer Atty. Claire Castro nga ang Department of Interior and Local Government (DILG) nangayo og red notice para kang Co ug ang gobyerno dili mohatag og dugang detalye kon unsaon siya pagdala balik sa nasud.
Matod niya nga walay gitakdang panahon kon kanus-a dad-on balik ang pugante nga si Co sa Pilipinas apan ang klaro mao nga ang gobyerno naningkamot aron mahibal-an ang iyang nahimutangan uban sa tabang sa Interpol.
Gawas kang Co, ang kanhi DPWH Secretary nga si Manuel Bonoan wala usab makabalik sa nasud human mibiyahe sa Estados Unidos ug unta nakabalik niadtong Disyembre 17 apan base sa monitoring sa Bureau of Immigration, walay rekord nga nakabalik si Bonoan sa Pilipinas.
