Paghatag sa 13th Month Pay kutob lang karong Disyembre 24 ; DOLE-12 nagpasidaan sa mga dili mosunod

GENSAN – Nagpahinumdom ang Department of Labor and Employment (DOLE-12) sa mga employer nga kutob na lamang karong petsa 24 ang paghatag sa 13th month pay sa mga trabahante, ug nagpasidaan nga ang bisan kinsang dili mosunod niini mag-atubang og tukmang kaso.

Padayon usab ang hugot nga monitoring sa buhatan sa mga establisyemento aron masiguro ang husto ug kompleto nga paghatag sa benepisyo, diin gihingusgan nga walay rason ang tanang kompanya nga dili mohatag sa 13th month pay.

Samtang gikinahanglan usab ang mga employer nga mosumite sa ilang report pinaagi sa DOLE Establishment Report System sa dili pa moabot ang Enero 15 sa sunod nga tuig.