-- ADVERTISEMENT --
Padayon pang gi-imbestigahan sa kapulisan sa Marihatag, Surigao del Sur ang pagluba-patay kang Sanggunian Bayan member Gerry Campos, usa ka radio broadcaster sa Caraga Region.
Natigayon kini kaganinang alas-7:30 sa buntag sa atbang sa usa ka tindahan sa Brgy Sta Cruz sa maong lungsod kondiin migawas sa inisyal nga imbestigasyon nga duna matud pa’y lalaking miduol kaniya dayong pangayo og kwarta apan posibleng wala’y dalang kwarta niadtong higayon si SB Campos nga hayan nabalibaran nga gikasuko sa suspetsado dayong kuha og kutsilyo nga maoy gigamit sa pagluba kaniya.
Nadala pa kini sa ospital apan nakabsan gihapon sa iyang kinabuhi.
Nadakpan na sa kapulisan ang responsable sa kremin ug padayon ang gisuta ang posibleng laing motibo niini.
