Gianunsyo sa Department of Justice nga ang status sa aplikasyon aron mahimong state witness sa giingong testigo nga si alyas ‘Totoy’ o Julie ‘Dondon’ Patidongan magpabiling pribado ug dili ibutyag sa publiko.
Sa exclusive interview sang Bombo Radyo Philippines kay Atty. Polo Martinez, tigpamaba sa maong departamento, nagdumili sa pagkumpirma kon si Patidongan ba nakasumite sa maong aplikasyon.
Matod niya nga confidential ang maong butang tungod kay iyang giinsister nga dili mahimong ipaambit ang status sa evaluation sa prosekusyon sa mga testimoniya, affidavits ug mga pamahayag nga gipaambit sa buhatan kalabot sa nawala nga kaso sa mga sabungero.
Dugang pa niya nga ang pagdumili sa pagkumpirma kon si Patidongan misumite ba og aplikasyon aron mahimong state witness kay aron mapreserbar ang integridad sa giandam nga ebalwasyon sa mga piskal.
Kalabot niini, iyang gipaambit nga ang pagdeterminar kung gikinahanglan ba ang state witness alang sa nawala nga kaso sa mga sabungero anaa na sa prosekusyon.
Matod niya adunay mga kondisyon nga hugot nga gipatuman alang sa presensya ug pagkuha sa state witness sa kaso.
Kahinumduman nga nahuman na sa panel of prosecutors ang preliminary investigation sa mga reklamo nga gisang-at sa buhatan batok nila ni Charlie Atong Ang, Gretchen Barretto ug uban pa.
Kini nga mga ‘gisumite alang sa resolusyon’, partikular sa kidnapping nga adunay seryoso nga illegal nga detensyon ug daghang mga reklamo sa pagpatay batok sa mga respondents sa pagkawala sa mga sabungero.
Hinuon giklaro sa departamento nga wala kini magpasabot nga automatic nga makonsiderar nga guilty sa kaso ang mga nahisgutang indibidwal.
