Gihagit sa Malacañang si Bise Presidente Sara Duterte nga pamatud-an nga wala magtrabaho si Presidente Ferdinand Marcos Jr.
Mao kini ang tubag sa Palasyo sa pamahayag sa Bise Presidente nga dili kuno mangutana ug walay direksyon ang Presidente sa pagpadagan sa gobyerno ug nagkalain-laing departamento.
Matod ni Palace Press Officer Atty. Claire Castro, kanunay siyang motambong sa mga miting sa Presidente ug saksi kung giunsa pagpangutana ni Marcos ang iyang mga miyembro sa gabinete ug pagpangutana bahin sa mga detalye sa mga importanteng isyu.
Matud pa ni Castro nga si VP Sara maoy dili motambong sa mga tigom busa wala siya masayod sa gihimo sa Presidente.
Matod niya, nakita sa publiko nga kanunay nga nagbiyahe si Presidente Marcos ilabi na sa mga lugar nga gikusokuso sa bagyo ug linog, dili sama ni Bise Presidente Duterte nga mobakasyon lang ug mobiyahe sa gawas sa nasod.
