GENSAN– Gihingusgan ni Johnny Fuscabalo, medtech og Quality Assurance Officer sa Philippine Red Cross Gensan Chapter nga dako kaayo ang tabang sa pagdonar ug dugo alang sa pagsumpay ug pagluwas sa kinabuhi sa mga nanginahanglan.
Sumala pa niya, usa usab kini ka oportunidad para sa donor nga mahibal-an ang ilang blood type, hemoglobin level, ug vital signs.
Apan, aron makadonar ug dugo, kinahanglan nga physically fit ang usa ka tawo.
Gipahimangnoan niya nga kung adunay taas nga blood pressure, importante nga ang lebel niini dili taas sa adlaw sa pagkuha sa dugo.
Kinahanglan usab nga makatulog og 8 ka oras ug dili mag-inom og alkohol aron sigurado nga ang donor anaa sa maayong kondisyon.
Kini nga mga impormasyon ug preparasyon may kalabotan sa umaabot nga Dugong Bombo nga ipahigayon sa Robinsons General Santos karong Nobyembre 15, 2025.
Gidasig ni Fuscablo ang tanan nga kwalipikado nga mokooperar sa blood letting activity sa Bombo Radyo.
Ang mga successful blood donor ang makaangkon ug commemorative Dugong Bombo Tshirt, aduna usab ihatag nga hotmeals o lugaw og tubig og juice pang-replenish sa lawas gawas pa sa Dugong Bombo certificate.
