GENSAN- Wala giapil si kanhi House Speaker Martin Romualdez sa mga girekomenda nga kasuhan may kalabotan sa anomalosong flood control project, base sa endorsement sa National Bureau of Investigation (NBI).
Matud ni Atty. Rey Cartojano, ang NBI dili muapil og tawo nga wala gibutyag sa mga testimonya sa testigo. Giila sa NBI nga angay lamang kasuhan ang mga indibidwal nga klaro nga gi-identify sa mga witness ug adunay lig-on nga ebidensya batok kanila.
Naniguro ang ahensya nga patas ang proseso ug masiguro nga ang kasong ipasaka adunay lig-on nga basehan.
Ang maong pasalig nagpakita sa kamahinungdanon sa due process ug paglikay sa mga akusasyon nga adunay pamulitika.
Padayon ang imbestigasyon sa maong isyu, ug posibleng adunay dugang personalidad pa nga malambigit depende sa mga bag-ong ebidensya nga mogawas.
