Gitangtang a sa puwesto si Police General Nicolas Torre III isip hepe sa Philippine National Police (PNP), subay sa kamandoan nga gipagawas sa Office of the President nga gipirmahan ni Executive Secretary Lucas Bersamin.
Epektibo gilayon ang maong kamandoan og gimandoan si Torre nga siguruhon ang hapsay nga turnover sa mga dokumento og impormasyon sa iyang buhatan aron mapabilin ang padayong serbisyo sa PNP.
Si Torre gituboy isip PNP Chief kaniadtong Mayo 29, 2025, og ilawom sa iyang pagdumala gipangunahan sa PNP ang mga high-profile nga operasyon nga miresulta sa pagkaaresto nilang kanhi Pangulong Rodrigo Duterte og Kingdom of Jesus Christ leader Apollo Quiboloy.
Bisag wala pa opisyal nga gianunsyo, lanog ang pangalan sa muhulip ni Torre nga si Police General Melencio Nartates isip bag-ong PNP Chief.
Gipaabot nga maghatag si Nartates og bag-ong direksyon sa ahensya, ilabi na sa mga isyu sa internal cleansing og pagpakusog sa presensya sa kapulisan sa mga komunidad.
Ang kalit nga kabag-uhan sa liderato sa PNP kabahin matod pa sa mas halapad nga reporma sa han-ay sa kapulisan.
