GENSAN – Gilauman nga magsugod karong Setyembre ang imbestigasyon sa gimugna nga komite sa Kamara de Representantes kalabot sa mga isyu nga migawas bahin sa anomalya sa flood control projects sa lain-laing parte sa nasod.
Sumala ni General Santos City Lone District Representative Shirlyn Bañas-Nograles, sa budget hearing ug review nga gihimo sa Kongreso, nasuta nga adunay mga “undertaking” kada district nga posibleng dunay kalambigitan sa mga anomalya.
Matod pa niya, dili lang milyon kundi binilyon ka pesos ang pondi sa maong mga proyekto ug busa kinahanglan gayod ang mas hugot nga imbestigasyon.
Giingon ni Bañas-Nograles nga makakonsensya ang posibleng paglungtad sa mga ghost projects, tungod kay ang kuwarta nga gigamit niini gikan sa kaban sa gobyerno nga gikan usab sa buhis sa katawhan.
Iyang gipasiugda nga usa sa gimbuhaton sa Kongreso mao ang legislative oversight function, aron masiguro nga ang pondo sa gobyerno magamit sa insakto ug alang sa kaayohan sa katawhan.
Matod pa sa kongresista, may daghang report gikan sa nagkalain-laing rehiyon bahin sa ghost projects ug palpak nga flood control structures, hinungdan nga kinahanglan nga masuta kini og tukma ug mapanubag ang responsable
