Hamas ginahulat pa ang tubag sa Israel sa ceasefire deal

Naghulat pa ang Qatar ug Egypt sa tubag sa Israel sa ceasefire deal.

Kini human sa pagdawat sa Hamas sa ceasefire deal nga gitanyag sa mga mediators gikan sa Qatar ug Egypt.

Nalakip sa maong kasabotan ang pag-angkon ug ceasefire nga hangtod sa 60 ka adlaw og ang kompleto nga paghilway sa mga hostage.

Ang maong sugyot susama sa gilatag ni US Middle East envoy Steve Witkoff niadtong Mayo.

Bisan kung wala pa motubag ang Israel, gusto sa Egypt nga doblehon ang pag-pressure sa Israel hangtod nga kini sa katapusan mouyon.