Chinese rocket debris nahulog duol sa kadagatan sa Palawan – PhilSA

Gikumpirma sa Philippine Space Agency (PhilSA) nga ang mga debris o mga bahin sa Long March 12 nga rocket sa China nahulog sa kadagatan sa Pilipinas duol sa Palawan kagabii, Agosto 4.

Ang mga debris nahulog sulod sa 21 nautical miles gikan sa Puerto Princesa ug 18 nautical miles gikan sa Tubbataha Reefs Natural Park, mga lugar nga sakop sa exclusive economic zone sa nasud.

Kalabot niini, subling gipasidan-an sa ahensya ang publiko batok sa peligro sa mga rocket debris.

Sa higayon nga makit-an, gitambagan ang publiko nga dili mohikap o magkolekta sa bisan unsang debris tungod kay aduna kini makahilo nga mga butang sama sa rocket fuel, imbes ipahibalo dayon sa mga awtoridad.