Malampusong nagpahigayon og buy-bust operation ang Philippine Drug Enforcement Agency (PDEA), uban sa Sarangani Provincial enforcement units, kaniadtong Agosto 2, 2025, sa Brgy. Kawas, Alabel, Sarangani Province, batok sa usa ka regional target listed drug personality.
Nasikop sa mga personahe sa PDEA SARGEN Provincial Office, Alabel Municipal Police Station, Sarangani Provincial Drug Enforcement Unit, 1st SPMFC, ug SPPO‑PIU ang duha ka indibidwal, lakip ang usa ka high value target.
Atol sa operasyon, nasakmit sa mga otoridad ang kinatibuk-ang 18 gramos sa gidudahang methamphetamine hydrochloride o “shabu” nga gisulod sa heat-sealed sachets, ug ang buy-bust money.
Giila ang mga dinakpan nga sila alyas Glenn, 37 anyos, minyo, ug igsuon niini nga si alyas Jennymar, 26 anyos, ulitawo, parehong taga Brgy. Poblacion, Alabel.
Sa karun ang mga dinakpan ang anaa sa kustodiya sa PDEA Regional Office 12 ug ug parehong mag-atubang og kasong kalapasan sa Section 5 ug 11, Article II sa Republic Act 9165.
