Daling nadala sa balay tambalanan ang biktima sa pagpamusil kagabii, Hulyo 28.
Ang insidente natigayon sa Purok Bliss, Barangay Calumpang, ning syudad asa giila sa kapulisan ang biktima nga si Warren Lagulos Cahayag, hamtong ang pangidaron usa ka store owner ug residente sa Purok Lowe Acharon, Calumpang.
Sa inisyal nga imbestigasyon nga nakadawat ug emergency call pinaagi sa KALASAG 911 nga nagpahibalo nga aduna matod pay pagpamusil nga natigayon sa maong lugar nga daling girespodihan usab sa Calumpang Police Station.
Alas 7:33 sa gabii naabot ang kapulisan ug nasayran nga ang biktima ang nadala na sa balay tambalanan samtang gi cordoned usab nila ang crime scene aron i-proseso sa SOCO Team ang area.
Nigawas sailang imbestigasyon nga ang biktima si Cahayag ang niabot saiyang tindahan ug nagtindog sa atubangan, dihang niabot ang duha ka wala mailhing suspek ug nihunong saiyang doul wala madugay gitiro sa back rider ang nasampit makapila ka higayon.
Human ang pagpamusil daling nisibat ang mga suspek sakay sa Yamaha KLX nga motorskilo paingon sa NLSA Road.
