GENERAL SANTOS CITY – Gapangita og pamaagi si Rep. Steve Chiongbian Solon aron nga madeklara nga usa ka national protected landscape area ang Mt. Busa sa Sarangani Province.
Kahibaluan nga atol sa 19th Congress ang wala kini nakapasa apan subli nga paningkamutan sa 20th Congress aron nga maprotektahan ang kinaiyahan.
Ang Mt. Busa ang 114,000-hectare mountain range nga nahimutang sa Maasim, Kiamba ug Maitum kon MaKiMa area.
Gideklara usab ang Mt. Busa nga nag-unang biodiversity og important bird area, kung asa pinuy-anan sa critically-endangered, threatened
og nagkadaiyang mga langgam ilabi pa ang Philippine Eagle og laing mga wildlife species.
Nasuta nga ang maong dapit ang pinuy-anan sa 434 rare animals og langgam.
Ingon usab ang 18 ka flora and fauna species lakip ang mga exotic orchids, og ang mossy forest niini.
Nagsilbi usab kini nga watershed hinungdan nga paigo ang supply sa tubig sa maong dapit.
Una niini gideklara sa Sangguniang Panlalawigan sa Sarangani, nga usa ka local conservation area aron mapanalipdan ang maong lugar.
