Gipangbuyagyag na sa whistleblower nga si Julie “Dondon” Patidongan ang pangalan sa mga pulis nga gialegar nga adunay kalambigitan sa pagdagit og pagpatay sa mga missing nga mga sabungero kaniadtong 2021.
Nahitabo ang pagbulgar ni Patidongan sa mga pangalan sa maong mga pulis dihang nagpasaka og reklamo kauban ang mga pamilya sa missing sabungeros og administrative complaint ngadto sa National Police Commission (Napolcom)
Ania ang mga pangalan sa mga pulis:
Police Colonel Jacinto Malinao Jr. (Visayas)
Police Lieutenant Colonel Ryan Jay Orapa (Highway Patrol Group or HPG)
Police Major Mark Philip Almedilla (Cavite HPG)
Police Executive Master Sergeant Aaron Ezrah Cabillan (HPG)
Police Chief Master Sergeant Arturo dela Cruz Jr. (Cavite HPG)
Police Staff Master Sergeant (PSMS) Joey Encarnacion (Cavite HPG)
PSMS Mark Anthony Manrique (HPG)
PSMS Anderson Abale (Cavite HPG)
Police Staff Sergeant Alfredo Andres (Cavite HPG, due for retirement)
Police Corporal Angel Joseph Martin (Cavite HPG)
Sa iyang affidavit, gibutyag ni Patidongan nga gipangbayaran ang mga pulis aron nga patyon ang mga sabungero og ilabay ang mga patay nga lawas nila sa Taal Lake.
Tungod administrative complaint kini, mahimo nga ang penalidad mao lamang ang suspension ukon pagkatangtang sa ilaha sa serbisyo depende sa desisyon sa Napolcom.
Gi-tag usab ni Patidongan ang usa ka retired police major general nga si Jonnel Estomo nga mao ang former Southern Luzon commander sa Philippine National Police (PNP).
Gibutyag ni Patidongan nga kini nga kanhi general ang usa ka “alpha member” sa cockfighting industry, buot pasabot, suod kay Atong Ang nga mao ang ginatudlo sa whistleblower nga mao ang mastermind sa krimen.
