Nidungag og tune-up games ang Gilas Pilipinas sa ilang preparasyon alang sa FIBA Asia Cup.
Si Gilas coach Tim Cone nagkanayon nga ilang ikasangka ang Jordan karong Agosto 2 nga ipahigayon sa Jeddah, Saudi Arabia.
Ang maong tune-up games upat ka adlaw sa dili pa ang ilang unang dula sa torneyo batok sa Chinese-Taipei.Dugang pa ni Cone nga nihangyo ang Jordan nga magdula sila og tune-up kon mahimo.
Gilauman nga molarga sa nasod ang Gilas karong Hulyo 31 ug sa ilang pag-abot didto mosalmot dayon sila sa tune-up games.
Ang Jordan, 4th placer sa 2022 FIBA Asia Cup nga gipahigayon sa Indonesia,nga anaa sa Group C kauban ang China, India ug host country nga Saudi Arabia.Sa dili pa sila ipadala sa Saudi Arabia karong Hulyo 28, ilang ikasangka ang Macau Black Bears.
Ang dula sa Gilas Pilipinas batok sa Chinese Taipei magsugod sa Agosto 6.
Ang sunod nilang dula sa Group D mao ang world number 22 New Zealand karong Agosto 7.
Katapusang dula sa Gilas sa group stage mao ang batok sa Iraq karong Agosto 9.
