Nabanhaw ang paglaum sa mga kabanay sa mga missing sabungero sa gibutyag sa testigo nga si alyas ‘Totoy’ kalabot sa kaso.
Sa gipahigayong dayalogo sa mga pamilya sa mga ‘missing sabungeros’ sa Department of Justice, ilang gipahibalo nga nakakaplag sila og paglaom human sa nabulgar nga mga gibutyag. pahayag sa mga testigo.
Diin human sa pipila ka tuig sukad nabalita ang pagkahanaw sa mga sabungero, aduna nay bag-ong mga taho sa pag-uswag sa kaso.
Matod sa usa sa mga kabanay sa mga missing sabungero nga si Janice Esplana nga ang pagtumaw ni alyas ‘Totoy’ ug ang pagbutyag sa mga impormasyon nga iyang nahibaw-an maoy iyang gigunitan aron makab-ot ang hustisya.
Matod pa niya nga positibo ang resulta sa gihimong tigom sa DOJ kalabot sa mga estorya bahin sa pagkawala sa ilang mga kabanay.
Human sa tigom nga gipahigayon sa maong buhatan, laing kabanay sa mga biktima sa sabungero nga si Francsca Ramos, nipaambit sa iyang hangyo kalabot sa kaso.
Emosyonal niyang gipadayag ang iyang panawagan ug hangyo nga pangitaon bisan ang mga patayng lawas sa iyang minahal sa kinabuhi.
Sa pagkakaron, nagpadayon pa ang imbestigasyon sa pagkahanaw sa mga sabungero aron masuta ang kamatuoran luyo sa kaso.
