Gibawi na sa Department of Agriculture (DA) ang gipatuman niini una nga ban sa poultry products nga gikan sa Brazil.
Kini nga South American country ang usa sa pinakadako nga poultry exporters sa tibuok kalibutan kun asa ikatulo kini sa global chicken trade.
Sumala kang Agriculture Secretary Francisco Tiu Laurel Jr., nag-isyu siya og Memorandum Order No. 35 nga mao ang nagatapos na sa importation ban sa poultry gikan sa maong nasod.
Kahinumdoma nga gipatuman ang ban kaniadtong Mayo 19 tungod sa outbreak sa avian influenza.
Sakop sa ban ang poultry meat, piso, itlog, og semen.
Gipagawas usab ang bag-o nga memorandum sa Pilipinas human nag-report na ang Brazilian veterinary authorities sa World Organisation for Animal Health (WOAH) nga natapna na nila ang outbreak.
Kabahin sa pagbalik sa imports gikan sa Brazil, gibutyag sa DA secretary nga natuman nila ang sugo ni President Ferdinand Marcos Jr. nga angayang lain-lain ang sources sa gina-import nga agricultural products.
