Gikompirma sa legal counsel ni kanhi Negros Oriental Rep. Arnolfo ‘Arnie’ Teves Jr. nga gibalik na ang nasampit sa prisohan.
Matod sa mensahe nga gipaambit karong adlawa ni Atty. Ferdinand Topacio, ang kanhi kongresista gibalhin na sa Bureau of Jail Management and Penology Annex 2 sa Camp Bagong Diwa sa Bicutan, Taguig City.
Matod niya nga ang pagbalhin sa iyang kliyente giabagan sa BJMP personnel ug uban pa gikan sa Philippine National Police Special Action Force.
Kini human ang kanhi kongresista nagpabilin sa Philippine General Hospital sulod sa pipila ka adlaw human sa appendectomy.
Tungod niini, gikustodiya na usab sa BJMP si Teves.
Bisan pa niini, nag-atubang gihapon og daghang kaso ang kanhi kongresista kalabot sa illegal possession of firearms and explosives ug murder.
